माजी नगरसेवक दीपक पाटकर यांनी पोलीस निरीक्षक प्रवीण कोल्हे व मुख्याधिकारी संतोष जिरगे तसेच कर्मचारी टीमचे केले अभिनंदन
मालवण | प्रतिनिधी : गणेशोत्सव काळात मालवण नगरपरिषद व पोलीस प्रशासनाने अत्यंत योग्य पद्धतीने शहरात नियोजन केले. पोलीस प्रशासनाने बंदोबस्त तैनात केला. मोठया प्रमाणात भाविक चाकरमानी दाखल झाले असताना ही कुठेही मोठी वाहतूक कोंडी अथवा अन्य समस्या निर्माण झाली नाही. गणपती आगमन मुख्य मार्ग व विसर्जन ठिकाणी योग्य पद्धतीने पोलीस तसेच होमगार्ड यांच्या सहभागतून बंदोबस्त तैनात असल्याने विसर्जन मिरवणुका ही अतिशय उत्साही आणि भक्तिमय अश्या आनंदी वातावरणात संपन्न झाल्या.
याबाबत मालवणचे माजी नगरसेवक दीपक पाटकर यांनी नगरपरिषद मुख्याधिकारी तथा प्रशासक संतोष जिरगे, पोलीस निरीक्षक प्रवीण कोल्हे व सर्व अधिकारी तसेच कर्मचारी टीमचे अभिनंदन करत आभार मानले आहेत.
शहरात स्ट्रीट लाईट व्यवस्था चांगल्या प्रकारे नियोजन करून करण्यात आली. मुख्य मार्ग, विसर्जन ठिकाणी असलेले हायमास्ट टॉवर बंद होते ते कार्यान्वित करण्यात आले. किनाऱ्यावर निर्माल्य कुठेही पडू नये तसेच स्वच्छता कायम राहावी यादृष्टीने नियोजन करताना विसर्जन ठिकाणी निर्माल्य ठेवण्यासाठी ठीकठिकाणी व्यवस्था करण्यात आली होती. मुख्याधिकारी यांनी योग्य नियोजन केले. असे सांगत दीपक पाटकर यांनी विशेष आभार मानले.
