देऊळवाडा येथे नगरपरिषद प्रशासनाचा निष्काळजीपणा की दुर्लक्ष?.....
मालवण : मालवण शहरातील देऊळवाडा येथील गणपती विसर्जन स्थळाचा गाळ काढणे, भटके कुत्रे, डम्पिंग ग्राउंडवरील कचरा अशी अनेक कामे प्रलंबित आहेत. त्यामुळे तेथील नागरिकांना अनेक समस्यांना सामोरे जावे लागत आहे .वारंवार याबाबत प्रशासनाचे लक्ष वेधूनही नगरपरिषद याकडे दुर्लक्ष करत आहे त्यामुळेच 'देऊळवाडा येथे नगरपरिषद प्रशासनाचा निष्काळजीपणा की दुर्लक्ष" असा सवाल युवासेना उपशहर युवा अधिकारी उमेश चव्हाण यांनी उपस्थित केला आहे.
देऊळवाडा येथील गणपती विसर्जन स्थळ गाळ काढण्याचा प्रश्न, डम्पिंग ग्राऊंड कचऱ्याचा व तेथील भटक्या कुत्र्यांचा प्रश्न, तसेच स्मशानभूमी दुरुस्ती ही कामे प्रशासनाच्या निदर्शनास आणूनही काम अपूर्ण अवस्थेत आहेत.त्यामुळे या सर्व गोष्टींकडे प्रशासनाने लक्ष देऊन तात्काळ उपाययोजना करण्याची गरज असल्याचे त्यांनी म्हटले आहे.
