जिल्हा व तालुका कार्यकारणी निवडण्यात येणार
कणकवली : डॉ. बाबासाहेब आंबेडकर यांनी स्थापन केलेल्या रिपब्लिकन पार्टी ऑफ इंडियाचे महाराष्ट्र राज्याचे प्रदेशाध्यक्ष श्री दिनेशजी हनुमंते 12 सप्टेंबर रोजी शासकीय विश्रामगृह कनकवली येथे उपस्थित राहणार आहेत.
डॉ. बाबासाहेबांनी समाजकार्याला राजकारणाची जोड लागते हे ओळखून रिपब्लिकन पार्टी ऑफ इंडियाची स्थापना केली होती. ती चळवळ पुनर्जीवीत करण्यासाठी हनुमंते उपस्थित राहणार आहेत.
यावेळी सिंधुदुर्ग जिल्हा कार्यकारणी व तालुका कार्यकारणी निवडण्यात येणार आहे. तरी जिल्ह्यातील डॉ. बाबासाहेब आंबेडकर यांच्या अनुयांनी उपस्थित राहून सहकार्य करावे. असे आवाहन शिवगर्जना प्रतिष्ठानचे संस्थापकीय अध्यक्ष रोहन कदम यांनी केली आहे.
