आखवणे भोम पुनर्वसन मार्गावरील घटना
ट्रक चालकला किरकोळ दुखापत तर क्लीनरने मारली उडी
वैभववाडी / प्रतिनिधी : कोल्हापूर असळजहून कुडाळला घेऊन जाणारा दहा टन साखर घेऊन जाणारा ट्रक आखवणे भोम पुनर्वसन मार्गावर एका तीव्र उतारावर स्लीप होऊन पलटी झाला. हा अपघात बुधवारी संध्याकाळी ३. वाजण्याच्या सुमारास घडला.
घटनास्थळावरून मिळालेल्या माहितीनुसार, कुडाळ तालुका सहकारी खरेदी विक्री संघाचा ट्रक MH- 07 1133 हा असळजहून १० टन साखर घेऊन कुडाळला घेऊन जात असताना आखवणे भोम पुनर्वसन मार्गावरा एका तीव्र उतारावर स्लीप होऊन ट्रक पलटी झाला. या अपघातात ट्रक चालक श्री. नलावडे वय(४५) रा. कुडाळ यांच्या हाताला किरकोळ दुखापत झाली असून त्यांना प्राथमिक उपचारासाठी उंबर्डे प्राथमिक रूग्णालयात दाखल केले आहे. तर क्लीनर रवळनाथ दळवी वय(३२) रा. कुडाळ यांनी ट्रकमधून उडी मारली. त्यांच्याही पायाला किरकोळ दुखापत झाली आहे.
