स्विफ्ट, रिक्षा यांच्यात मालवण सागरी महामार्गांवर अपघात
कलंडलेल्या रिक्षातील प्रवासी जखमी : दोन्ही वाहनांचे नुकसान
मालवण : मालवण सागरी महामार्ग येथे स्विफ्ट व रिक्षा यांच्यात झालेल्या अपघातात रिक्षा चालकासह तीन प्रवासी जखमी झाले आहेत. रविवारी दुपारी हा अपघात घडला.
अपघाता नंतर रिक्षा रस्त्याच्या बाजूला कलांडली. रिक्षातून प्रवास करत असलेल्या वर्षा भालचंद्र नागवेकर (वय 51) व भालचंद्र नारायण नागवेकर (वय 56) रा. माहीम मुंबई, मुळ रा. कुडाळ बिबवणे यांना गंभीर दुखापत झाली. त्यांना जिल्हा रुग्णालयात हलविण्यात आले.
कुडाळ वेतोरा येथील रिक्षा चालक अशोक अर्जुन लटम हे आपल्या रिक्षा मधून इशांत भालचंद्र नागवेकर, वर्षा भालचंद्र नागवेकर व भालचंद्र नारायण नागवेकर या तीन प्रवाशांना घेऊन कुडाळ बिबवणे येथून मालवण कांदळगाव येथे जात असताना समोरून येत असलेल्या स्विफ्ट यांच्यात धडक बसून अपघात झाला. स्थानिक नागरिकांनी त्या ठिकाणी धाव घेत रिक्षामधील जखमी प्रवाश्यांना बाहेर काढले व मालवण ग्रामीण रुग्णालयात उपचारासाठी दाखल केले. प्राथमिक उपचार नंतर दुखापत अधिक असलेल्या दोघांना जिल्हा रुग्णालयात हलविण्यात आले. घटनास्थळी पोलीस कर्मचारी सुशांत पवार, महादेव घागरे, शरद गुहाटे यांनी दाखल होत पंचनामा केला.
