ग्रामस्थांची नाराजी
भाऊ भोगले | बागायत : मसुरे ते वेरली मसदेतिठा असा मुख्य रस्ता फार जुना व नेहमी वर्दळीचा आहे आणि या रस्त्यावर मागच्याच आठवड्यात रस्त्याच्या दुतर्फा साइडपट्टीवर वाढलेले गवत व झाडी मारण्याचे काम खाजगी ठेकेदाराला देण्यात आले होते. मात्र सदर ठेकेदाराने गवत वर वर मारले आहे. मात्र रस्ता ते गटार अशी तीन फुटाची साईड पट्टी असताना फक्त रस्त्यालगत एक फूट अंतरावर ग्रास कटरच्या साहाय्याने गवत मारले तसेच शेजारील झाडी तशीच आहे.
त्याचप्रमाणे रस्त्याच्या लगत असणारे गटर सुद्धा दिसत नाही तरी संबंधित विभागाने तात्काळ पाहणी करून सदर ठेकेदारा करवी पुनश्च साफसफाई करून घ्यावी, असे मार्गतड व नेरली येथील ग्रामस्थांचे म्हणणे आहे. अन्यथा सदर रस्त्याच्या संबंधित अधिकाऱ्याला घेराव घालण्याचा इशारा ग्रामस्थांनी दिला आहे.
