सिंधुदुर्ग : सार्वजनिक बांधकाम (सार्वजनिक उपक्रम वगळून), तथा पालकमंत्री रविंद्र चव्हाण हे दि. 4 सप्टेंबर रोजी सिंधुदुर्ग जिल्हा दौऱ्यावर येत असून त्यांचा नियोजित दौरा आहे.
बुधवार दि. 4 सप्टेंबर रोजी सकाळी 9.30 वाजता एम.आय. डी.सी. विश्रामगृह कुडाळ येथे आगमन होणार आहे .सकाळी 10.30 वाजता कुडाळ येथून ओरोसकडे प्रयाण त्यानंतर सकाळी 11 वाजता सिंधुदुर्ग जिल्ह्यातील नोंदणीकृत कामगारांच्या समस्या या विषयासंदर्भात आयोजित बैठकीस समिती सभागृह जिल्हाधिकारी कार्यालय सिंधुदुर्ग येथे उपस्थित राहणार आहेत.
सकाळी 11.30 वाजता ओरोस मधून कुडाळकडे निघणार आहेत. दुपारी 12 वाजता कुडाळ रेल्वेस्थानक येथे आगमन व कुडाळ रेल्वेस्थानक सुशोभिकरण कामाच्या लोकार्पण कार्यक्रमास उपस्थित राहणार आहेत.स्थळ, त्यानंतर दुपारी 1 वाजता एम.आय.डी.सी.विश्रामगृह कुडाळ येथे येणार आहेत. दुपारी 3.30 वाजता कुडाळ येथून सावंतवाडीकडे प्रयाण. सायं. 5 वाजता सावंतवाडी येथे आगमन व सावंतवाडी तालुक्यातील ग्रामिण भागातील भजनी मंडळांना प्रोत्साहनपर मोफत भजन साहित्य वाटप कार्यक्रमास बॅ.नाथ पै सभागृह येथे उपस्थित राहणार आहेत. सावंतवाडी सायं. 5.30 वाजता मौजे चौकुळ, ता. सावंतवाडी येथील कबुलायातदार गावकर समितीसोबत बैठक होणार आहे.सावंतवाडी. सायं 6.30 वाजता सावंतवाडी येथून मोपा (गोवा) कडे निघणार आहेत.
