तीन आसनी, सहा आसनी रिक्षा चालकांसाठी व खासगी बस चालक-मालक व कर्मचारी यांच्यासाठी आयोजन
आचरा : गणेश चतुर्थी साठी गावी येणाऱ्या चाकरमान्यांना सुखरूप घरी पोहचवणाऱ्या खासगी बस सेवा चालक व कर्मचारी तसेच तीन आसनी व सहा आसनी रिक्षा चालकांच्या आरोग्याची काळजी घेण्यासाठी बुधवार दि. ४ सप्टेंबर रोजी सकाळी ठीक ९ वाजता मोफत मधुमेह तपासणी व आरोग्य तपासणी शिबिराचे, आचरा प्राथमिक आरोग्य केंद्राच्या मागील सभागृहामध्ये आयोजन करण्यात आले आहे.
तरी आचरा येथील जास्तीत जास्त तीन आसनी, सहा आसनी रिक्षा चालक आणि खासगी बस सेवा चालक व कर्मचारी बांधवानी याचा लाभ घ्यावा असे आवाहन डॉ. स्वरा स्वप्निल भोगटे, डॉ. स्वप्निल सुरेश भोगटे, डॉ. सिद्धेश सुरेंद्र सकपाळ यांच्या वतीने करण्यात आले आहे.
