वाहन अंगावरून गेल्याने मालवण शहर देऊळवाडा मार्गांवरील घटना
मालवण | प्रतिनिधी : मालवण शहरातील देऊळवाडा मार्गांवर वाहन अंगावरून गेल्याने डोक्याचा चेंदामेंदा झाल्याने एका अनोळखी व्यक्तीचा मृत्यू झाल्याची घटना सोमवारी सायंकाळी 7:30 वाजण्याच्या सुमारास घडली.
दरम्यान, ज्या वाहना मुळे अपघात झाला ते वाहन नेमके कोणते? याबाबत चर्चा सुरु होत्या. बस अंगावरून गेली अशीही चर्चा सुरु होती. एसटी अधिकारीही त्या ठिकाणी दाखल झाले. मात्र अपघात बस मुळे झाला याची खात्री झाली नव्हती. मालवण पोलीस घटनास्थळी दाखल झाले. पंचनामा करण्यात आला. अधिक माहिती घेणे सुरु आहे. अशी माहिती मालवण पोलीस निरीक्षक प्रवीण कोल्हे यांनी दिली.
