युवा व्यापारी मयु पारकर यांनी मानले आभार
मालवण | प्रतिनिधी : भाजपा माजी नगरसेवक दीपक पाटकर यांच्या तत्पर सेवा कार्याचा प्रत्यय पुन्हा एकदा दिसून आला. दीपक पाटकर यांना शहर परिसरातील काम सांगितले म्हणजे ते होणारच हा अनुभव आला.
मालवण शहर बाजारपेठ मच्छीमार्केट परिसरात रस्ता मार्गांवर मोठया प्रमाणात कचरा जमा झाला होता. सोबत दगड विटा पसरल्यामुळे मार्गांवर मोठी अडचण होती. व्यापारी वर्ग, नागरिक यांनी नगरपरिषद प्रशासनास सांगूनही कोणतीही कार्यवाही होत नव्हती. याबाबत भाजपा माजी नगरसेवक दीपक पाटकर तसेच शहरअध्यक्ष ललित चव्हाण यांचे युवा व्यापारी मयु पारकर यांनी लक्ष वेधले. त्यानंतर तात्काळ परिसर स्वच्छ करण्याची कार्यवाही पालिका प्रशासनाच्या माध्यमातून करण्यात आली आहे.
जाण्यायेण्याच्या मुख्य मार्गांवर असलेली अस्वच्छता अडचण दूर झाली आहे. नेहमीच तसेच आगामी गणेशोत्सव विचार करता या मार्गांवरून होत असलेली ये जा, या सर्वांचा विचार करून दीपक पाटकर यांनी तत्परपणे केलेल्या सामाजिक कार्या बाबत मयु पारकर यांनी आभार मानले आहेत.
