57 व्या युवा महोत्सवाच्या अंतिम फेरीत व्हिक्टर डांटस लॉ कॉलेज चे यश
कुडाळ : मुंबई विद्यापीठाअंतर्गत घेतल्या जाणाऱ्या आंतर महाविद्यालयीन 57 व्या युवा महोत्सवाच्या अंतिम फेरीत पहिल्याच दिवशी व्हिक्टर डांटस लॉ कॉलेज, कुडाळ ने वक्तृत्व मराठी या इव्हेंट मध्ये रौप्य पदक मिळवून यशाची आरोळी दिलेली आहे…या वर्षी च्या युवा महोत्सवाचा झोनल राऊंड भोसले कॉलेज ऑफ फार्मसी येथे पार पडला होता ज्यात एकूण सिंधुदुर्ग जिल्ह्यातून 40 महाविद्यालयांनी सहभाग नोंदवला होता. व्हिक्टर डांटस लॉ कॉलेज चे 6 इव्हेंट मुंबई येथे होणाऱ्या अंतिम फेरी साठी पात्र ठरले असून वक्तृत्व मराठी या इव्हेंट मध्ये डांटस लॉ कॉलेज चा विध्यार्थी कु. पृथ्वीराज एकले याने वक्तृत्व या इव्हेंट मध्ये रौप्य पदक मिळवत आपले व महाविद्यालयाचे नाव उज्वल केले आहे. तसेच होणाऱ्या पुढील इव्हेंट मध्ये सुद्धा लवकरच अधिक पदके आणू असे आश्वासन लॉ कॉलेज कुडाळ चे प्रा. संग्राम गावडे सर यांनी दिले आहे.
