शिवसेना (उद्धव बाळासाहेब ठाकरे) पक्षाच्या जेष्ठ माजी नगरसेविका सेजल परब यांचे मालवण तहसील कार्यालयात निवेदन
जुबेर खान |मालवण : बदलापूर येथे चिमुरडीवर झालेल्या अत्याचाराबाबत संपूर्ण देशभर तीव्र पडसाद उमटले आहेत. अत्याचार करणाऱ्यांवर कारवाई व्हावी, यासाठी संपूर्ण देशभरातून मागणी होत आहे. याच पार्श्वभूमीवर मालवण येथील शिवसेना उद्धव बाळासाहेब ठाकरे पक्ष माजी नगरसेविका सेजन सन्मेश परब यांनी, दोषींना फाशी देण्यात यावी, असे मागणी निवेदन मालवण तहसीलदार वर्षा झालटे तसेच पोलीस उपनिरीक्षक संदीप खाडे यांना दिले आहे.
यावेळी तालुका समन्वयक पूनम चव्हाण, उपजिल्हा संघटक सेजल परब, तालुका संघटिका दीपा शिंदे, शहराध्यक्ष रश्मी परुळेकर, शिल्पा यतीन खोत,नंदा सारंग, तृप्ती मयेकर, अंजना सावंत, मंदा जोशी, रवीना लुडबे, लक्ष्मी पेडणेकर, युवती जिल्हाध्यक्ष निनाक्षी मेथर, उपतालुका युवती अधिकारी रूपा कुडाळकर, देवबाग विभाग प्रमुख सोनाली डिचवलकर, माधुरी प्रभू, शहर युवती अधिकारी सुर्वी लोणे आदी उपस्थित होते.
