घुमडे ग्रामस्थ मंडळाचे उपाध्यक्ष बाबू बिरमोळे यांच्या हस्ते दीपप्रज्वलन
मंदिरात 8 मे पर्यंत मंदिरात विविध धार्मिक सांस्कृतिक कार्यक्रम…!
शानु वालावलकर | मालवण:
मालवण तालुक्यातील घुमडे येथील घुमडाई मंदिराच्या १५ व्या वर्धापन दिन सोहळ्यास मोठ्या उत्साहात सुरुवात आणि भक्तीमय वातावरणात सुरुवात करण्यात आली. ८ मे रोजी श्री घुमडाई देवीच्या मंदिराचा वर्धापन दिन सोहळा साजरा होणार आहे. त्यानिमित्ताने मंदिरात विविध धार्मिक सांस्कृतिक कार्यक्रमाचे आयोजन करण्यात आले आहे.
निसर्गसौदर्याने नटलेल्या मालवण घुमडे येथील घुमडाई देवीच्या १५ व्या वर्धापन दिन सोहळ्याचा शुभारंभ माजी सरपंच दिलीप बिरमोळे यांच्या हस्ते श्रीफळ वाढवून कार्यक्रमाचे उदघाटन करण्यात आले तर घुमडे ग्रामस्थ मंडळाचे उपाध्यक्ष बाबू बिरमोळे, यांच्या हस्ते दीपप्रज्वलन करण्यात आले. यावेळी सेक्रेटरी भाऊ सामंत, पोलीस पाटील प्रशांत बिरमोळे, उमेश बिरमोळे, विष्णू बिरमोळे, नितीन राणे यांसह ग्रामस्थ उपस्थित होते.
रात्रौ स्थानिक कलाकारांचे विविध संस्कृतीक कार्यक्रम संपन्न झाले.यात रेकॉर्ड डान्स, एकांकिका, एकपात्री प्रवेश, मिमिक्री असे कार्यक्रम संपन्न झाले. आज ६ मे रोजी रात्री ९ वाजता आचरा देऊळवाडी येथील विठ्ठल रखुमाई दिंडी भजन, ७ मे रोजी रात्री ९ वाजता "महाकाली कलेश्वर लिंग स्थापना" हा दशावतारी नाट्य प्रयोग, ८ मे रोजी वर्धापन दिन सोहळा सकाळी ८ वाजता देवीचे पूजन व विधीवत धार्मिक कार्यक्रमास सुरुवात, सकाळी ९ वाजता सत्यनारायण महापूजा,दुपारी १२ वाजता पालखी सोहळा,१ वाजत महाप्रसाद, ४ वाजता संगीत भजने, रात्री ९ वाजता "येथे ओशाळला मृत्य" धर्मवीर संभाजी महाराज यांची धगधगती शौर्य गाथा हे नाटक होणार आहे. भाविक भक्तांनी वर्धापन दिन सोहळ्याचा आणि धार्मिक सांस्कृतिक कार्यक्रमाचा लाभ घ्यावा असे आवाहन घुमडे ग्रामस्थ मंडळ अध्यक्ष दत्ता सामंत, मुंबई घुमडे ग्रामस्थ मंडळ अध्यक्ष मोहन राणे यांनी केले आहे.
