नगराध्यक्षा ममता वराडकर यांच्या प्रमुख उपस्थितीत विकासकामांचा शुभारंभ
मालवण | प्रतिनिधी : आमदार निलेश राणे यांच्या माध्यमातून नगराध्यक्षा सौ. ममता वराडकर यांच्याकडून मालवण शहरात विकास कामांचा धडाका सुरु आहे. यात नवीन कामांना मंजुरी मिळवून देण्याबरोबरच जुन्या रखडलेल्या विकास कामांना चालना देण्यात येत आहे. जिल्हा वार्षिक योजना महाराष्ट्र सुवर्ण जयंती नगरोत्थान महा अभियान जिल्हा स्तर २०२५-२६ मधून सातेरी मंदिर नजिकच्या अभ्यंकर पाणंदची उंची वाढवणे (४.९९ लाख) व आडवण दलित वस्ती मधील गटारावर लाद्या बसवणे (३.४९ लाख) या कामांचा शुभारंभ नगराध्यक्षांच्या प्रमुख उपस्थितीत करण्यात आला.
मालवण शहाराच्या विकासासाठी खासदार नारायण राणे, पालकमंत्री नितेश राणे, आमदार निलेश राणे यांचे नेहमीच मोलाचे सहकार्य लाभत आहे असे सांगत नगराध्यक्षा ममता वराडकर यांनी सर्वांचे आभार मानले आहेत.
विकासकामांसाठी शिवसेना जिल्हाप्रमुख दत्ता सामंत यांच्या मार्गदर्शनाखाली सर्व सहकारी नगरसेवक, स्थानिक नगरसेविका भाग्यश्री मयेकर यांचे सहकार्य मिळाले.
यावेळी नगरसेवक ललित चव्हाण, सौ. भाग्यश्री मयेकर, माजी नगरसेविका पूजा करलकर, नगरसेवक तपस्वी मयेकर, संदेश चव्हाण, बाळा आचरेकर, दादू डिचोलकर, तेजस लुडबे, संजय वराडकर, तुळशीदास लुडबे, अक्षय माणगावकर, उत्तम चव्हाण, निकित वराडकर आदी उपस्थित होते.
▪️अमित खोत, मालवण
