मालवण (प्रतिनिधी) : भारतीय बौद्ध महासभा, शहर शाखा मालवण यांच्यावतीने 'संविधान करंडक २०२६" या राज्यस्तरीय एकांकिका स्पर्धेचे आयोजन करण्यात आले आहे. ही स्पर्धा ३० एप्रिल ते २ मे या तीन दिवसांच्या कालावधीत मालवण एसटी स्टॅन्ड मागील समाजमंदिर पटांगण येथे पार पडणार आहे.
स्पर्धेसाठी रोख पारितोषिके जाहीर करण्यात आली असून प्रथम क्रमांकासाठी १५,००० रुपये व चषक, द्वितीय क्रमांकासाठी १०,००० रुपये व चषक तसेच तृतीय क्रमांकासाठी ७,००० रुपये व चषक देण्यात येणार आहेत. तसेच इतर वैयक्तिक पारितोषिके देण्यात येणार असल्याची माहिती आयोजकांनी दिली आहे.
या स्पर्धेत सहभागी होणाऱ्या संघांना मर्यादित प्रवेश देण्यात येणार असून प्रथम येणाऱ्या आठ संघांना प्राधान्य दिले जाणार आहे. इच्छुक संघांनी आपली नोंदणी लवकरात लवकर करावी, असे आवाहन भारतीय बौद्ध महासभा शहर अध्यक्ष पुरुषोत्तम मालवणकर व सचिव संतोष मालवणकर यांनी केले आहे. अधिक माहितीसाठी नितेश जाधव ९४२०८६४४६४, विलास देऊलकर यांच्याशी संपर्क साधावा, असे आवाहन करण्यात आले आहे.
