मालवण तळशील किना-यावरुन कासवांची पिल्ले सुरक्षित अधिवासात.
स्थानिक कासव मित्रांनी कांदळवन कक्षाच्या मदतीने पिल्लांना सुखरुप समुद्रामध्ये त्यांच्या नैसर्गिक अधिवासात सोडले.
मालवण | प्रतिनिधी : मालवण तळशील समुद्र किनारी सुमारे २४७ ऑलिव्ह रीडले प्रजातीच्या कासवाच्या पिल्लांना स्थानिक कासव मित्रांनी कांदळवन कक्षाच्या मदतीने सुखरुप समुद्रामध्ये त्यांच्या नैसर्गिक अधिवासात सोडले.
कांदळवन विभाग दक्षिण कोकण व वनपरिक्षेत्र मालवण ( कांदळवन) यांच्या मार्गदर्शनाखाली ऑलिव रिडले या प्रजातीच्या सागरी कासवांच्या संवर्धन व संरक्षणाचे काम तळाशील या किनाऱ्यावर सुरू आहे या अंड्याची देखभाल व सुरक्षिते साठी वनपरिक्षेत्र अधिकारी, मालवण ( कांदळवन) श्री. महादेव शिंगाडे यांचे या संवर्धनामध्ये मोलाचे मार्गदर्शन लाभले आहे. त्याच्या मार्गदर्शनाने स्थानिक कासव मित्र देखभाल करत होते.कासव अंडी घातल्या पासून सुमरे ५० दिवसात पिल्ले अंड्यातून बाहेर येतात.आज १४ एप्रिल रोजी यातील सुमारे २४७ नवजात पिल्ले त्यांच्या नैसर्गिक अधिवासात सोडण्यात आली.
यावेळी कासव मित्र सूर्यकांत कोचरेकर, गौरेश मालंडकर, ललित देऊलकर, दशरथ कोचरेकर, झकास खवणेकर,सर्वेश पेडणेकर, दीपेश मायबा, उपस्थित होते.
