पालकमंत्री, खासदार, आमदार मच्छीमारांच्या सोबतच!

मच्छिमारांना डिझेल सवलत मिळवून देण्यासाठी यशस्वी पाठपुरावा

राजकोट मच्छिमार सोसायटीच्या वतीने संतोष खांदारे यांनी मांडली भूमिका

मालवण | प्रतिनिधी : मच्छीमारांचे प्रश्न समस्या सोडवण्यासाठी राज्याचे मत्स्य व्यवसाय मंत्री तथा सिंधुदुर्गचे पालकमंत्री नितेश राणे, खासदार नारायण राणे, आमदार निलेश राणे सातत्याने मच्छीमारांच्या सोबत राहून शासन स्तरावर पाठपुरावा करत आहेत. मच्छिमारांना डिझेल सचलत मिळवून देण्यासाठी यशस्वी पाठपुरावा सुरु आहे. अशी माहिती राजकोट मच्छिमार सोसायटीच्या वतीने संतोष खांदारे यांनी दिली आहे.

यापूर्वीही जेव्हा मच्छीमारांना डिझेल कोट्यात मिळणारी सवलत बंद झाली होती त्यावेळी तत्कालीन केंद्रीय मंत्री नारायण राणे साहेब आहे केंद्र स्तरावर पाठपुरावा करून मच्छीमारांचा प्रश्न सोडवला व मच्छीमारांना दिलासा दिला होता. आताही खासदार नारायण राणे, पालकमंत्री नितेश राणे, आमदार निलेश राणे सातत्याने मच्छीमारांच्या सोबत आहे. मच्छीमाराना कृषी दर्जा मिळवून देणे यासोबतच मच्छीमारांसाठी अनेक दिलासादायक निर्णय मत्स्यउद्योग मंत्री नितेश राणे यांनी राज्य शासनाच्या माध्यमातून घेतले आहेत. आमदार निलेश राणे मच्छीमारांचा आवाज बनवून विधानसभेत मच्छीमारांचे प्रश्न मांडत आहेत व आम्हा मच्छिमारांना न्याय मिळवून देण्यात महत्वाची भुमिका बजावत आहेत. मच्छिमारांना डिझेल सवलत लवकरच मिळेल असा विश्वास व्यक्त करण्यात येत आहे.