शिवसेना जिल्हाप्रमुख दत्ता सामंत यांनी दिले नियुक्तीपत्र
शानु वालावलकर | मालवण : मालवण दांडी येथील शिवसेना शाखा प्रमुख पदी विष्णू विनायक मालंडकर यांची नियुक्ती करण्यात आली.आमदार निलेश राणे यांच्या मार्गदर्शनाखाली शिवसेना जिल्हाप्रमुख दत्ता सामंत यांनी नियुक्ती जाहीर करत त्यांना पुढील वाटचालीस शुभेच्छा दिल्या.
नियुक्ती पत्रात म्हटले आहे, हिंदुहृदयसम्राट शिवसेनाप्रमुख बाळासाहेब ठाकरे यांच्या आशीर्वादाने तसेच धर्मवीर आनंद दिघे साहेब यांच्या प्रेरणेने व शिवसेनेचे मुख्य नेते उपमुख्यमंत्री श्री. एकनाथ शिंदे यांच्या आदेशानुसार शिवसेना पक्षाच्या सिंधुदुर्ग जिल्ह्याच्या वतीने आपल्या नियुक्त्या करण्यात येत आहेत. या नियुक्तीचा कालावधी एका वर्षाचा असेल. हिंदुहृदयसम्राट शिवसेनाप्रमुख बाळासाहेब ठाकरे यांचा हिंदुत्वाचा विचार आणि धर्मवीर आनंद दिघे साहेब यांची शिकवण याचा आपण सक्रियपणे प्रचार आणि प्रसार कराल तसेच शिवसेना पक्ष वाढीसाठी आपण सर्वांना सोबत घेऊन कार्य कराल असा विश्वास आहे. असे नियुक्ती पत्र शिवसेना जिल्हा प्रमुख दत्ता सामंत यांच्या हस्ते देण्यात आले.
यावेळी शिवसेना तालुका प्रमुख मंदार लुडबे, नगरसेवक सहदेव बापर्डेकर, भाऊ मोर्जे, राजेश हुले, इषेद डिसोजा, बबलू मोंडकर, प्रदीप मालंडकर, मंगेश कोयंडे, प्रवीण पराडकर, जितू शिर्सेकर, हिमांशू परब, भावेश साळसकर, मार्टिना फर्नांडीस, लुडीन फर्नांडीस, सुमित कोयंडे, जानवी शिर्सेकर, विष्णू मालंडकर,आदि उपस्थित होते.
