मालवण : आचरा येथील इनामदार श्री देव रामेश्वर संस्थान कसबा आचरे येथे रामनवमी उत्सवा निमित्त गुढीपाडवा ते हनुमान जयंती उत्सवा पर्यंत विविध धार्मिक सांस्कृतिक कार्यक्रमाचे आयोजन करण्यात आले आहे.
आचरा येथील इनामदार श्री देव रामेश्वर मंदिरात गुढीपाडवा ते हनुमान जयंती उत्सवा पर्यंत वार्षिक धार्मिक सांस्कृतिक कार्यक्रम साजरे केले जातात. २६ रोजी रामनवमी उत्सव, राम जन्माचे कीर्तन श्री मिलिंद बुवा कुळकर्णी (सांगली) सायंकाळी ६ वाजता गायनाचा कार्यक्रम, दि २७ मार्च सकाळी १० वाजता स्थानिक कलाकार गायनाचा कार्यक्रम, सायंकाळी ६ वाजता निधी घारे (पुणे)यांचे गायन, पखवाज गणेश मेस्त्री, संवादनी सुशील गद्रे, तबला अभिनव जोशी, तालवाद्य हर्ष बोडाळे, दि २८ मार्च स्थानिक कलाकार गायन, सायं ६ वाजता गायन, श्री च्या पूजे नंतर स्थानिक भजने, रात्रौ लळीत, १ एप्रिल रोजी रात्रौ ९ वाजता कै. ग.दि.माडगुळकर, रचित आणि कै.सुधीर फडके यांनी संगीतबद्ध केलेल्या गीत रामायणावर आधारित, स्पर्धा पुरस्कार सोहळा, मन हे राम रंगी रंगले, हनुमान जयंती उत्सव पहाटे पालखी नंतर हनुमान जन्माचे कीर्तन, श्री मिलिंद कुळकर्णी, असे कार्यक्रम होणार आहेत. या कार्यक्रमाचा लाभ घ्यावा असे आवाहन देवस्थान कमिटी, इनामदार श्री देव रामेश्वर संस्थान कसबा आचरे यांच्या वतीने अध्यक्ष श्री.प्रदीप प्रभूमिराशी, सचिव संतोष मिराशी यांनी केले आहे.
