२७ ते ३१ मार्च मंदिरात विविध धार्मिक, सामाजिक व सांस्कृतिक कार्यक्रम
मालवण | प्रतिनिधी : मालवण धुरीवाडा येथील श्रीकृष्ण मंदिर मूर्ती प्राण प्रतिष्ठापनेचा ४ था वर्धापनदिन सोहळा आणि मंदिराचा ७१ वा वर्धापनदिन सोहळा ३१ मार्च रोजी साजरा करण्यात येणार असून या निमित्त विविध धार्मिक सांस्कृतिक-सामाजिक कार्यक्रमाचे आयोजन करण्यात आले आहे.
मालवण धुरीवाडा श्रीकृष्ण मंदिराचा ७१ वा तर मूर्ती प्रतिष्ठापने चा ४ था वर्धापनदिन निमित्त दि २७ रोजी रात्री ९ वाजता सांस्कृतिक कार्यक्रम, २८ मार्च रोजी रात्रौ ९ वाजता ओमी डान्स अकॅडमी वेंगुर्ला प्रस्तुत नटरंग कार्यक्रम, दि २९ मार्च सकाळी ८ वाजता विष्णू सहस्त्रनाम जप, सायंकाळी ६ वाजता घुमडाई प्रा. संगीत भजन बुवा नाना सामंत, रात्रौ ९ वाजता धुरीवाडा ग्रामस्थ संस्कृतीक कार्यक्रम,
दि ३० मार्च सकाळी ८ वाजता विष्णू सहस्त्रनाम जप, सकाळी ९ वाजता भव्य रक्तदान शिबिर, सायं ६ वाजता संगीत भजन, सायं ७ वाजता मोरेश्वर दशावतार नाट्यमंडळ दांडी यांचा गजकेशरी हा नाट्य प्रयोग, दि ३१ मार्च रोजी श्री कृष्ण मंदिराचा वर्धापनदिन सकाळी ८ वाजता मूर्तीची पूजा व अभिषेक, सकाळी ९ धार्मिक विधी , सकाळी ११ वाजता सत्यनारायणाची महापूजा, दुपारी १ ते ३ महाप्रसाद, सायंकाळी ६ वाजता श्री सातेरी प्रासादिक भजन मंडळ कांदळगाव बुवा राजेंद्र कोदे यांचे संगीत भजन, रात्रौ ८ वाजता लोकराजा श्री सुधीर कलिंगण प्रस्तुत कलेश्वर दशावतार नाट्यमंडळ कुडाळ नेरूर यांचा एकपद अर्थात पृथ्वी कंकण हा दशावतारी नाट्य प्रयोग होणार आहे.या कार्यक्रमाचा लाभ भाविक भक्तानी घ्यावा असे आवाहन श्री कृष्ण मंदिर देवस्थान व धुरीवाडा ग्रामस्थ यांनी केले आहे.
