▪️ सरकार पक्षातर्फे अभियोक्ता ॲड. संदीप राणे यांनी मांडली बाजू
फिर्यादीतर्फे ॲड. स्वरुप नारायण पई व यतिश खानोलकर यांनी काम पाहिले
मालवण : मालवण येथील राहत्या घरातून सोन्याचे दागिने चोरल्याच्या संशयावरुन दाखल गुन्ह्यामधील संशयीताचा अटकपूर्व जामीन अर्ज मे. प्रमुख जिल्हा व सत्र न्यायाधीश साहेब ओरोस यांनी फेटाळला. सरकार पक्षातर्फे अभियोक्ता संदीप राणे यांनी बाजू मांडली. मुळ फिर्यादीतर्फे ॲड. स्वरुप नारायण पई व यतिश खानोलकर यांनी काम पाहिले.
दि. 17/01/2026 रोजी मालवण येथील समर्थ कृपा संकुलातील फिर्यादी महिलेच्या राहत्या घरातील मंगळसुत्रासहित सोन्याचे दागिने कपाटातून नाहीसे झाल्याचे लक्षात आल्यावर फिर्यादीच्या घरात आलेल्या संशयीतांविरूद्ध फिर्यादीने मालवण पोलीस ठाण्यात दागिने चोरल्याची तक्रार दिली होती. त्यानुसार मालवण पोलीस ठाण्यात भारतीय न्याय्य संहिता कलम 482 अन्वये चोरीचा गुन्हा दाखल करण्यात आला होता. याकामी मालवण पोलोसांचा तपास सुरु असताना संशयीत यांनी मे. सत्र न्यायालय ओरोस येथे अटकपूर्व जामीन अर्ज दाखल केला होता. सरकारपक्षातर्फे करण्यात आलेला युक्तीवाद व मुद्देमाल रिकव्हरी व तपासकामात संशयीतांची पोलीस कोठडीची आवश्यकता विचारात घेऊन मे. प्रमुख जिल्हा व सत्र न्यायाधीश साहेब ओरस यांनी दोन्ही संशयीतांचा अटकपूर्व जामीन अर्ज फेटाळला.
