अष्टपैलू कलानिकेतन कै. राम गणेश गडकरी स्मृती प्रित्यर्थ साभिनय नाट्य गीत स्पर्धा
१४ व १५ मार्च भरड दत्त मंदिर येथे कार्यक्रम
मालवण | प्रतिनिधी : मालवण अष्टपैलू कलानिकेतन यांच्या वतीने नटवर्य कै. राम गणेश गडकरी स्मृतिप्रीत्यर्थ, देण्यात येणारा जीवन गौरव पुरस्कार २०२६, जेष्ठ नाट्य कलाकार श्री. आप्पाजी उर्फ रतिलाल श्रीधर तारी यांना देऊन गौरविण्यात येणार आहे. शनिवार १४ मार्च २०२६ रोजी सायं.६ वाजता भरड श्री दत्त मंदिर येथे या पुरस्कार वितरण कार्यक्रमाचे आयोजन करण्यात आले आहे.
या कार्यक्रमाचे उद्घाटन उद्योजक श्री. दत्ता सामंत, यांच्या हस्ते तर प्रमुख अतिथी सिने नाट्य कलावंत, श्री.अभय खडपकर देवगड यांच्या हस्ते त्यांचा गौरव करण्यात येणार आहे.
रविवार दि. १५ मार्च २०२६ सायं. ६ वाजता नाट्य प्रवेश सं.ययाती आणि देवयानी, मालवणी "चावडी", सं.पंडितराज जगन्नाथ, साभिनय नाट्यगीत गायन स्पर्धा २०२६ वर्ष १५ वे संपन्न होणार आहे. या कार्यक्रमास उपस्थित राहावे असे आवाहन अष्टपैलू कलानिकेतन, मालवण यांच्या वतीने करण्यात येत आहे.
