लोकप्रिय आमदार निलेश राणे यांच्या वाढ दिवसाचे औचित्य साधून देवली येथे आरोग्य शिबीर संपन्न
मालवण | प्रतिनिधी :-लोकप्रिय आमदार निलेश राणे यांच्या 17 मार्च रोजी साजरा होणाऱ्या वाढदिवसाचे औचित्य साधून ग्रामपंचायत देवली येथे आयोजित करण्यात आलेल्या आरोग्य शिबिराला उत्स्फूर्त प्रतिसाद लाभला.
माधवबाग कुडाळ मार्फत घेण्यात आलेल्या आरोग्य तपासणी शिबिरात हृदय रोग मुक्त सिंधुदुर्ग मिशन राबविण्यात येत आहे. देवली येथील आरोग्य शिबिरात हृदयरोग, डायबेटीस, ब्लड प्रेशर, वजन वाढ, थायरॉईड, सांध्यांचे आजार या आजारांवर तज्ञ डॉक्टरांकडून तपासणी, रक्त तपासणी, हिमोग्लोबिन, रक्तातील पेशी आणि साखर तसेच नेत्र तपासणी करण्यात आली. या शिबिराचा ग्रामस्थांनी लाभ घेतला.
यावेळी सरपंच शाम वाक्कर, उपसरपंच हेमंत चव्हाण, सदस्य सचिन मालवणकर, सदस्या रूपल आचरेकर, सदस्य गणेश आचरेकर, माजी सरपंच विजय चव्हाण, माजी सरपंच रावजी मांजरेकर, माजी सदस्य गुरुनाथ पाटकर, ग्राम अधिकारी घंटे, रुपेश आळवे,संदेश वेतुरेकर, आकाश बिरमोळे, गावातील ग्रामस्थ उपस्थित होते.
