पोलीस अधीक्षकांची घटनास्थळी भेट

अंतरा दुखंडे मृत्यू प्रकरण तसेच संदीप शेलटकर गोळीबार प्रकरणी सखोल तपास सुरु

मालवण | प्रतिनिधी : वायंगणी येथील अंतरा दुखंडे मृत्यू प्रकरण तसेच कोळंब येथील संदीप शेलटकर यांच्यावर झालेला गोळीबार यां दोन्ही घटनेच्या पार्श्वभूमीवर पोलीस अधीक्षक मोहन दहिकार यांनी मंगळवारी मालवण येथे दोन्ही घटनास्थळी भेट दिली.

दरम्यान, तपासाच्या दृष्टीने उपविभागीय पोलीस अधिकारी घानश्याम आढाव व पोलीस निरीक्षक मारुती जगताप यांना आवश्यक सूचना देण्यात आल्या आहेत. पोलीस उपधीक्षक नयोमी साटम यांनीही यापूर्वी घटनास्थळी भेट देऊन तपासाचा आढावा घेतला. पोलिसांकडून दोन्ही घटनांचा सखोल तपास सुरु आहे.

गोळीबार प्रकरणात संदीप शेलटकर यांनी दिलेल्या संशयित  व्यक्तींची चौकशी तसेच सीसीटीव्ही तपासणी पोलिसांकडून सुरु आहे.

वायंगणी येथील अंतरा दुखंडे यांचा शवविच्छेदन अहवाल राखून ठेवण्यात आला असून अधिक तपासासाठी वरिष्ठ कार्यालयाकडे पाठवण्यात आला आहे. वरिष्ठ कार्यालयाकडून तपासणी पुर्ण होऊन लवकर अहवाल मिळावा यां दृष्टीने प्रयत्न सुरु आहेत. संपुर्ण घटनेचा तपास व चौकशी सुरु आहे. अशी माहिती पोलिसांनी दिली.