आदित्य बटावले | सावंतवाडी : जागृत देवस्थान व ३६५ खेड्यांचा अधिपती असलेल्या देव उपरलकर देवस्थानचा वार्षिक अभिषेक पूजा सोहळा गुरुवार, ६ फेब्रुवारी रोजी साजरा होणार आहे. सावंतवाडीतील राजघराण्याचे दैवत असलेल्या या देवस्थानचा वाढदिवस दरवर्षी मोठा उत्सव म्हणून साजरा होतो. यावर्षीही सकाळपासून विविध कार्यक्रमांचे आयोजन केले आहे. गुरुवार, ६ फेब्रुवारी रोजी सकाळी अभिषेक व पूजा, उत्सवानिमित्त पूजापाठ, तीर्थप्रसाद, भजनाचा कार्यक्रम होणार आहे. सायंकाळी ७ वाजता सावंतवाडी येथील महापुरुष दशावतार नाट्य मंडळाचा नाट्यप्रयोग होणार आहे. भाविकांनी उपस्थित राहवे, असे आवाहन देव उपरलकर देवस्थानचे मानकरी विद्याधर नाईक-शितप व शुभम नाईक-शितप यांनी केले आहे.
६ फेब्रुवारी रोजी उपरलकर देवस्थानचा अभिषेक सोहळा
