आदित्य बटावले | सावंतवाडी : मकर संक्रांतीच्या निमित्ताने पतंजली योग समिती सावंतवाडी सिंधुदुर्ग व श्री देव पाटेकर पंचायत तर्फे महिलांसाठी तीन दिवसीय योग प्राणायाम शिबिर आयोजित करण्यात आले होते. या शिबिरासाठी योग शिक्षक श्री विद्याधर पाटणकर यांनी प्रात्यक्षिकांसह मार्गदर्शन केले.
श्री देव पाटेकर पटांगण ,खासेवाडी तिरोडा येथे ,मकर संक्रांति निमित्त १४ ते १६ जानेवारी रोजी खास महिलांसाठी योग प्राणायाम शिबिर आयोजित करण्यात आले होते . या शिबिरात औषध गोळ्यांशिवाय जगण्याचा मार्ग जाणून घेण्याबाबत योग्य असे मार्गदर्शन करण्यात आले तसेच मधुमेह संधिवात, हृदयविकार, स्थूलता, बद्धकोष्ठता, दमा ,नेत्रविकार, त्वचारोग ,अनिद्रा ,स्त्रीरोग कर्करोग इत्यादीबाबत योग्य असे मार्गदर्शन करण्यात आले.
या योग प्राणायाम शिबिरास महिलांचा उत्स्फूर्त प्रतिसाद लाभला.या शिबिरासाठी पतंजली योग समितीचे योग तज्ञ श्री विद्याधर पाटणकर यांचे आवश्यक असे मार्गदर्शन लाभले.
