आदित्य बटावले | कणकवली : कणकवली तालुका वि.का.स. ग्रामोद्योग सोसायटी लि.तर्फे जिल्हास्तरीय निबंध लेखन स्पर्धा २०२५ चे आयोजन करण्यात आले आहे. ही स्पर्धा शालेय व खुल्या अशा दोन गटांत होणार आहे. सोसायटीच्या माध्यमातून नवउद्योजक घडविण्याच्या उद्देशाने ही निबंध स्पर्धा आयोजित करण्यात आली आहे. यात उद्योजकतेतून राष्ट्रविकास आणि उद्योजकता विकासाची गुरुकिल्ली असे दोन विषय असून यापैकी एका विषयावर निबंध लिहायचा आहे.
शालेय गट सातवी ते दहावीसाठी असून अनुक्रमे ५५१, ३५१, २५१ रु. सन्मानचिन्ह व प्रमाणपत्र, तर दोन उत्तेजनार्थ स्पर्धकांना सन्मानचिन्ह व प्रमाणपत्रे देण्यात येणार आहेत. खुल्या गटासाठी अनुक्रमे १०५१, ५५१, ३५१ रु., सन्मानचिन्ह व प्रमाणपत्र, तर दोन उत्तेजनार्थ स्पर्धकांना सन्मानचिन्ह व प्रमाणपत्रे देण्यात येणार आहेत. अधिक माहितीसाठी दीपक जाधव, ९४०५२५७३७२ येथे संपर्क साधावा.
