खासदार नारायण राणे, पालकमंत्री नितेश राणे, आमदार निलेश राणे यांचे आभार

▪️वायरी भुतनाथ येथील निशाणकाठी देवस्थान परिसराचे सुशोभीकरण !

▪️जिल्हा नियोजनमधून ७ लाखांच्या निधीतुन काम

मालवण | प्रतिनिधी : वायरी भुतनाथ येथील महत्त्वाचे धार्मिक व श्रद्धास्थान असलेल्या निशाणकाठी देवस्थान परिसरात सुशोभीकरण आणि कमान उभारणी करण्यात आली आहे. आमदार निलेश राणे यांच्या माध्यमातून जिल्हा नियोजन समितीकडून प्राप्त ७ लाख रुपयांच्या निधीतून ही कामे पूर्ण करण्यात आली आहेत.
भाजपा पदाधिकारी जिल्हा उपाध्यक्ष अशोक सावंत, तत्कालीन भाजपा तालुका मंडल अध्यक्ष बाबा मोंडकर, भाजपा तालुकाध्यक्ष धोंडी चिंदरकर, भाजपा तालुका उपाध्यक्ष केदार झाड, देवानंद लोकेगावकर यांसह अन्य सहकारी ग्रामस्थ यांचाही पाठपुरावा महत्वाचा ठरला. अशी माहिती येथील भाजपा प्रभारी दाजी सावजी यांनी दिली.  या विकासकामासाठी निधी उपलब्ध करून दिल्याबद्दल खासदार नारायण राणे, पालकमंत्री नितेश राणे, आमदार निलेश राणे यांचे आभार व्यक्त करण्यात आले आहेत.