मालवणात पाच दिवसाच्या गणपती बाप्पांना भक्तिमय वातावरणात निरोप
राहुल जाधव | मालवण : गणपती बाप्पा मोरया...पुढच्या वर्षी लवकर या... च्या गजरात तसेच फटाक्यांच्या आतिषबाजीत व वाद्यांच्या गजरात मालवणात ठिकठिकाणी पाच दिवसाच्या गणपती बाप्पांना भक्तिमय वातावरणात निरोप देण्यात आला.
गणेश विसर्जन ठिकाणी नगरपालिकेच्या वतीने व्यवस्था करण्यात आली होती. पोलीस प्रशासनाच्या वतीने ही विसर्जन मार्गावर बंदोबस्त तैनात ठेवण्यात आला होता.
मालवण शहरात बंदर जेटी चिवला बीच, दांडी, वायरी देउळवाडा, कोळंब, आडारी यासह परिसरातील विसर्जन ठिकाणी भाविकांच्या उपस्थितीत भक्तिमय वातावरणात रात्री उशिरापर्यंत गणपती बाप्पांचे विसर्जन करण्यात येत होते.
▪️अमित खोत, मालवण
