चिंदर भटवाडीतील गुणवंत विद्यार्थ्यांचा गौरव..

शिक्षण प्रसारक मंडळ मुंबईतर्फे पारितोषिक वितरण

दहावी परीक्षेत ९२.४० टक्के गुण मिळविणाऱ्या उर्वशी पारकरसह सहा गुणवंत विद्यार्थ्यांचा गौरव

आचरा : उदय बापर्डेकर : चिंदर भटवाडी शिक्षण प्रसारक मंडळ, मुंबईच्या वतीने भटवाडी येथे गुणवंत विद्यार्थ्यांचा गौरव करून त्यांच्या शैक्षणिक यशाला प्रोत्साहन देण्यात आले. श्री भगवती मंगल कार्यालयात झालेल्या या गौरव सोहळ्यात दहावी परीक्षेत तब्बल ९२.४० टक्के गुण मिळविणाऱ्या उर्वशी पारकरसह सहा गुणवंत विद्यार्थ्यांचा मान्यवरांच्या हस्ते पारितोषिक देऊन सन्मान करण्यात आला.
दहावीच्या परीक्षेत ९२.४० टक्के गुण मिळविणाऱ्या उर्वशी पारकर हिच्यासह तनुश चिंदरकर, सुजन चव्हाण, आयुष नार्वेकर, सर्वेश कदम आणि कुणाल मुळे या विद्यार्थ्यांचा यावेळी गौरव करण्यात आला.
मुंबई मंडळाचे अध्यक्ष गुरुनाथ नाटेकर, सचिव मिलिंद कांबळी, खजिनदार औदुंबर जाधव आणि मुख्याध्यापिका निशिगंधा वझे-चिंदरकर यांच्या हस्ते विद्यार्थ्यांना पारितोषिके प्रदान करण्यात आली. यावेळी मंडळाचे अध्यक्ष सुनील पवार, ग्रामपंचायत सदस्य शशिकांत नाटेकर, ज्येष्ठ पत्रकार आत्माराम नाटेकर आणि शिक्षिका मैना कारंडे यांच्यासह पालक व ग्रामस्थ उपस्थित होते.

▪️अमित खोत | मालवण