मालवण | प्रतिनिधी: सिंधुदुर्ग जिल्ह्यातील गाबीत समाजातील विवाहयोग्य युवक-युवतींना योग्य वधू-वर मिळून त्यांचे विवाह होण्यास चालना मिळावी, तसेच समाजातील विवाह इच्छुक कुटुंबांना एकत्र येण्यासाठी व्यासपीठ उपलब्ध व्हावे, या सामाजिक उद्देशाने विनामूल्य वधू-वर परिचय मेळावा दि. २० सप्टेंबर रोजी सकाळी ९:३० ते दुपारी १ वाजेपर्यंत मालवण येथील टोपीवाला हायस्कूलच्या सभागृहात मेळावा आयोजित केला आहे.
सदर मेळावा हा पूर्णपणे सामाजिक स्वरूपाचा असून गाबीत समाजातील विवाहयोग्य युवक-युवती व त्यांच्या पालकांच्या हितासाठी आयोजित करण्यात येत आहे. सुयोग्य स्थळासाठी गाव आणि शहर यांच्यात सन्मवय साधण्यासाठी गणेशोत्सवात गावात आलेल्या आणि गावातील विवाहोत्सुकांचा एक कार्यक्रम आयोजित करावा हा उद्देश आहे. या वधू वर परिचय मेळाव्यास गाबीत समाजातील जास्तीत जास्त युवक युवतीनी पालकांसमवेत आणि आपल्या संपूर्ण माहितीसह उपस्थित रहावे, नोंदणी करण्यासाठी जन्मटिपण, फोटो, संपूर्ण माहितीसह व्हाटस्अपला सादर करावी किंवा वा प्रत्यक्ष भेटीत सादर करावी.
अधिक माहितीसाठी सुरेश बापर्डेकर-9869132882, बाळू वस्त-9371217606, राजरूप केळुसकर-9404750204, रघुनाथ जुवाटकर- 9421147437, शशांक कुमठेकर-9765766557 यांच्याशी संपर्क साधावा आवाहन असे आयोजकांकडून करण्यात आले आहे.
