स्मशान भूमी बांधकामाचे भूमिपूजन
शिवसेना जिल्हाप्रमुख दत्ता सामंत यांची प्रमुख उपस्थिती
शानु वालावलकर | मालवण : शिवसेना आमदार नीलेश राणे यांच्या माध्यमातून मंजूर झालेल्या मालवण हडी भटवाडी येथील स्मशान भूमी बांधकामाचे भूमिपूजन तसेच हडी गावतील प्राथमिक शाळा मध्ये शैक्षणिक साहित्य वाटप शिवसेना जिल्हा प्रमुख तथा उद्योजक दत्ता सामंत यांच्या उपस्थिती संपन्न झाला.
यावेळी शिवसेना तालुकाप्रमुख विनायक बाईत, हडी सरपंच प्रकाश तोंडवळकर, ग्रामपंचायत सदस्य भावेश सुर्वे, उप जिल्हाप्रमुख अरविंद करलकर, कुडाळ पंचायत समिती सभापती मिलिंद नाईक, माजी सभापती सुनील घाडीगावकर, मनोज हडकर, भाई मुणगेकर, उमेश हडकर, पोलीस पाटील दिनेश सुर्वे, ज्येष्ठ नागरिक चंद्रकांत पाटकर यांसह ग्रामस्थ मोठया संख्येने उपस्थित होते.
शिवसेना जिल्हा प्रमुख दत्ता सामंत यांच्या पाठपुराव्याने हडी गावातील स्मशानभूमी रस्ता आमदार निलेश राणे यांच्या आमदार फंडातून डांबरीकरण करण्यात आला तसेच श्री दत्ता सामंत यांनी स्वखर्चाने स्मशानभूमीत शव दहिनी दिली आहे. हडी गावात विकास कामांचा सपाटा लावला आहे. या विकास कामासाठी जिल्हा प्रमुख दत्ता सामंत यांच्या जवळ भावेश सुर्वे, भाई मुणगेकर, राजेश शेडगे यांनी पाठपुरावा केला होता. आमदार निलेश राणे यांच्या माध्यमातून विकासकामे मार्गी लागली आहेत.
या कार्यक्रमाचे औचित्य साधून हडी गावातील शाळातील मुलांना वह्या वाटपाचा कार्यक्रम ग्रामपंचायत सदस्य भावेश सुर्वे यांच्या माध्यमातून करण्यात आला. यावेळी शाळेतील शिक्षक, विद्यार्थी हडी ग्रामस्थ उपस्थित होते.
