महाराष्ट्र नाभिक महामंडळ सिंधुदुर्ग सलून ब्युटी पार्लर असोसिएशन महाराष्ट्र यांच्या वतीने आयोजन
गणेश चव्हाण | सिंधुदुर्ग : महाराष्ट्र नाभिक महामंडळ, सिंधुदुर्ग व महाराष्ट्र सलुन ब्युटी पार्लर असोसिएशनच्या वतीने, सिंधुदुर्गात आधुनिक पध्दतीचे मेकअप व केश कर्तनाचे प्रशिक्षण व प्रदर्शन शिबीर, ३१ ऑगस्ट रोजी शांतादुर्ग हाॅल पावशी कुडाळ येथे आयोजित केले आहे. याचा सर्व नाभिक बांधवांनी लाभ घ्यावा, असे आवाहन अध्यक्ष जगदिश चव्हाण यांनी केले आहे.
महाराष्ट्र नाभिक महामंडळाचे संघटक विजय चव्हाण व सरचिटणीस राजन पवार यांच्या शिस्तबद्ध मार्गदर्शनाखाली ३१ ऑगस्ट रोजी सकाळी ९ ते ५ या वेळेत हे शिबीर, महाराष्ट्र सलुन ब्युटी पार्लर असोशिएशनचे अध्यक्ष सुप्रसिध्द मेक्-अप आर्टिस्ट प्रसाद दत्तात्रय चव्हाण, सुप्रसिद्ध हेअर स्टायलीस्ट मुंबई जिल्हा अध्यक्ष तुषार चव्हाण व अन्य केश कर्तनमधील नामवंत शिक्षक मार्गदर्शन करणार आहेत. तसेच वेगवेगळ्या मोठ्या सलुन सामान कंपन्यांचे स्टाॅल मांडण्यात येणार आहेत.
मालवण येथील नाभिक संघटणेत मार्गदर्शन करतांना अध्यक्ष जगदिश चव्हाण, व इतर मान्यवर
महाराष्ट्र सलुन ब्युटी पार्लर असोशिएशनचे अध्यक्ष सुप्रसिध्द मेकअप आर्टिस्ट प्रसाद चव्हाण या शिबिरामध्ये मेकअपबाबत आणि मुंबई जिल्हा सलुन असो. अध्यक्ष सुप्रसिद्ध हेअर स्टायलिस्ट तुषार चव्हाण हे वेगवेगळे हेअर कट व स्टाईल तसेच सलुन सामान याविषयी मार्गदर्शन करणार आहेत.
तरी जास्तीत जास्त नाभिक बांधवांनी याचा लाभ घ्यावा असे आवाहन सलून ब्युटी पार्लर असोशिएशनचे सिंधुदुर्ग प्रमुख चंद्रशेखर सावंत आणि सिंधुदुर्ग जिल्हा महाराष्ट्र नाभिक मंडळ अध्यक्ष जगदीश चव्हाण आणि कुडाळ तालुका अध्यक्ष भिवा चव्हाण यांनी केले आहे.
