आ. वैभव नाईक यांच्या हस्ते भंगसाळ नदीत नारळ अर्पण
कुडाळ वासियांच्या वतीने नारळी पौर्णिमा मोठया उत्साहात साजरी
कुडाळ : कुडाळ येथे आमदार वैभव नाईक यांच्या उपस्थितीत शिवसेना (उद्धव बाळासाहेब ठाकरे) प्रणित रिक्षा संघटनेच्या वतीने रिक्षा रॅली काढण्यात आली. जिल्हाप्रमुख संजय पडते यांच्या हस्ते श्रीफळ वाढवून रिक्षा रॅलीचा शुभारंभ करण्यात आला. तसेच आमदार वैभव नाईक यांच्या हस्ते भंगसाळ नदीत नारळ अर्पण करण्यात आला. या रॅलीत मोठ्या संख्यने रिक्षा व्यावसायिक व कुडाळ वासीय सहभागी झाले होते.
कुडाळ येथे शिवसेना उपजिल्हाप्रमुख अमरसेन सावंत, तालुकाप्रमुख राजन नाईक, युवासेना जिल्हाप्रमुख मंदार शिरसाट, तालुका संघटक बबन बोभाटे,अतुल बंगे, उपनगराध्यक्ष किरण शिंदे, नगरसेवक उदय मांजरेकर, शहरप्रमुख संतोष शिरसाट, नगरसेविका श्रेया गवंडे, सई काळप, श्रुती वर्दम, ज्योती जळवी, जयभारत पालव, युवासेना तालुका प्रमुख योगेश धुरी, सचिन काळप, सुशील चिंदरकर, बाळा कोरगावकर, शेखर गावडे, गंगाराम सडवेलकर, बाळा वेंगुर्लेकर, दीपक आंगणे, स्वप्नील शिंदे, गुरू गडकर आदींसह शिवसेना पदाधिकारी, शिवसैनिक व रिक्षा व्यावसायिक मोठया संख्येने उपस्थित होते.
