भाजप पुरस्कृत नारळ लढविणे स्पर्धेत प्रविण पाताडे विजेता

प्रदीप सावंत उपविजेता ; नवतरुण मित्र मंडळ वडाचापाट यांचे आयोजन

भाऊ भोगले | बागायत : भाजप पुरस्कृत, नवतरुण मित्र मंडळ वडाचापाट आयोजित नारळ लढविणे स्पर्धेचे आयोजन करण्यात आले होते. यावेळी मोठ्या संख्येने स्पर्धक सहभागी झाले होते. तसेच शौकिनांनी तोबा गर्दी केली होती.स्पर्धेचे उद्घाटन माजी सभापती श्री राजेंद्र प्रभुदेसाई यांच्या हस्ते करण्यात आले. संपूर्ण स्पर्धा शांततापूर्ण वातावरणात पार पडली .विजेता स्पर्धक प्रवीण पाताडे यांना रोख 3000 रुपये आणि चषक श्री राजेंद्र प्रभुदेसाई यांच्या हस्ते देण्यात आले तर उपविजेता स्पर्धक प्रदीप सावंत यांना रोख 2000 रुपये आणि चषक निवृत्त सेवक श्री अंकुश मुणगेकर यांच्या हस्ते देण्यात आले.
यावेळी वडाचापाट सरपंच सौ सोनिया प्रभू देसाई, उपसरपंच सचिन पाताडे, प्रसिद्ध व्यावसायिक दयानंद प्रभुदेसाई व नवतरुण मित्र मंडळाचे सर्व प्रतिनिधी उपस्थित होते.