चिन्मय आचरेकर उपविजेता | वायरी बांध येथे स्पर्धा संपन्न
मालवण : शिवसेना पुरस्कृत 'मुख्यमंत्री' नारळ लढविणे स्पर्धा मालवण वायरी बांध येथे संपन्न झाली. यामध्ये प्रथम क्रमांक निशिकांत खोत, द्वितीय क्रमांक चिन्मय आचरेकर तर तृतीय क्रमांक साईश मयेकर यांनी प्राप्त केला. विजेत्यांना प्रथम क्रमांक १०,००१, द्वितीय क्रमांक ५,००१, तृतीय क्रमांक २,५०१ अशी पारितोषिके देण्यात आली.
कार्यक्रमाचे आयोजन शिवसेना युवासेना सोशल मीडिया प्रमुख हर्षद पारकर, जि. प.भूतनाथ - देवबाग विभागप्रमुख कमलाकांत पारकर, उपविभाग प्रमुख शिवम हिर्लेकर यांच्यावतीने करण्यात आले होते.
यावेळी कुडाळ मालवण विधानसभाप्रमुख बबन शिंदे, उपजिल्हा प्रमुख विश्वास गांवकर, मालवण तालुका प्रमुख राजा गांवकर, युवासेना सोशल मीडिया जिल्हाप्रमुख हर्षद पारकर, महिला आघाडी मालवण तालुका प्रमुख कविता मोंडकर, मालवण शहर प्रमुख बाळू नाटेकर, उपतालुका प्रमुख अरुण तोडणकर, विभाग प्रमुख भूतनाथ-देवबाग जि. प. कमलाकांत पारकर, उप विभाग प्रमुख शिवम हिर्लेकर, तारकर्ली शाखा प्रमुख भिवा कोळंबकर, गणेश करलकर, संदेश गोसावी, धनंजय टक्के, संकेत तारी तसेच वायरी बांध मंडळाचे अध्यक्ष प्रदीप आचरेकर, मेघनाथ मयेकर, रमेश करलकर, रमेश गोसावी (मोरये), विठ्ठल गोसावी आदी उपस्थित होते. कार्यक्रमाचे समालोचन सचिन मातोंडकर यांनी केले.
