कुडाळ एमआयडीसी मार्ग
कुडाळ : एमआयडीसी मध्ये काही महिना पूर्वी स्ट्रीट लाईट लावली गेली. या स्ट्रीट लाईन साठी अंडरग्राउंड लाईन तयार केल्यामुळे लाखो रुपये खर्च केलेला रोडची खराब अवस्था झाली आहे. याचा त्रास मोरेश्वर हॉटेल पासून ते बजाज राईस मिल पर्यंत येणाऱ्या जाणाऱ्या नागरिकांना तसेच एमआयडीसी मध्ये येणाऱ्या कामगारांना सहन करावा लागत आहे. वारंवार या ठिकाणी अपघाताची मालिका सुरूच आहेत.मात्र यावर प्रशासनाचा दुर्लक्ष होत आहे.
पावसामुळे खचलेल्या याच रस्त्यावर तात्पुरत्या स्वरूपात डागडुजी केली जात आहे, हे ग्रामस्थांच्या लक्षात येताच ग्रामस्थांनी एकत्र येऊन कामाला तीव्र विरोध केला.
काम सुरू होत असताना प्रशासनाचा एकही माणूस त्या ठिकाणी उपस्थित नव्हता, तात्पुरत्या स्वरूपातील डागडूजीनंतर रस्ता पुन्हा खराब होईल, त्यानंतर या ठिकाणी मोठा अपघात झाला, तर त्याला जबाबदार कोण, प्रशासन नेमके करतेय तरी काय,असे प्रश्न विचारून ग्रामस्थांनी रस्त्यावर उतरून एमआयडीसीच्या कामकाजावर तीव्र विरोध केला. यावेळी ग्रामस्थ जगन्नाथ गावडे, शेखर गावडे, प्रसाद गावडे, अजित मार्गे, संदीप गावडे, भूषण गावडे, अमित गावडे, आणि ग्रामस्थ मोठ्या संख्येने उपस्थित होते.
