भाऊ भोगले | बागायत : श्री देवी शांतादुर्गा हायस्कूल वडाचापाट येथे स्वातंत्र्यदिन मोठ्या उत्साहात पार पडला. यावेळी प्रशालेच्या मुख्याध्यापकांनी ध्वज फडकवला व तिरंगाच्या रंगांचे महत्व सांगत स्वातंत्र्य मिळविण्यासाठी ज्यांनी ज्यांनी बलिदान दिले , त्यांची महती सांगितली. त्यांनतर लेझिम नृत्य करत विद्यार्थी ग्रामपंचायत वडाचापाट येथील ध्वजारोहण कार्यक्रमात सामील झाले. यावेळी माजी पं.स.सभापती श्री राजेंद्र प्रभू देसाई यांनी विद्यार्थ्यांचे कौतुक केले.
विद्यार्थ्यांनी शिस्तबध्द लेझिम नृत्य सादर करून उपस्थितांची मने जिंकली. यावेळी वडाचापाट सरपंच सौ .सोनिया प्रभुदेसाई ,उपसरपंच श्री सचिन पाताडे, सर्व सदस्य, शिक्षक, पालक उपस्थित होते. नृत्यासाठी माजी सैनिक श्री रघुनाथ पालक यांनी रोख स्वरूपात बक्षीसही दिले.
