कुडाळ मालवण जनता दरबारातील तक्रारी अर्जाच्या संख्येवरून भाजपा नेते निलेश राणे यांचा टोला
मालवण : मालवण कुडाळ मतदारसंघाचा जनतादरबार जिल्हा मुख्यालयामध्ये पार पडला. या जनता दरबार मध्ये तब्बल 750 तक्रार अर्ज दाखल झाले यावरूनच माजी खासदार निलेश राणे यांनी कुडाळ मालवण मतदार संघाचे आमदार वैभव नाईक यांच्यावर एक्सच्या माध्यमातून टीका केली आहे .
त्यांनी आपल्या एक्स अकाउंट वरून पोस्ट करत म्हटले आहे की, ' कुडाळ मालवण विधानसभा मतदारसंघाचा आजच्या जनता दरबारात तक्रारींचा पाऊस पडला, तब्बल ७५० अर्ज आज जमा झाले. आम्ही जे सातत्याने म्हणत होतो, स्थानिक आमदार निष्क्रिय आहे, जनतेची कामं सोडवण्यामध्ये अपयशी ठरले आहेत ते आज परत एकदा सिद्ध झालं. अनेक विषय आज मार्गी लागले, लहानसहान कामं जागेच मार्गी लागली म्हणून कुडाळ मालवणच्या जनतेने पण समाधान व्यक्त केले.
