मालवण : अष्टपैलू कलानिकेतन, मालवण या संस्थेतर्फे, शनिवार ३१ ऑगस्ट रोजी जिल्हास्तरीय अभंग गायन स्पर्धेचे आयोजन करण्यात आले आहे. अशी माहिती संस्थाध्यक्ष भालचंद्र केळुसकर यांनी दिली आहे.
सदर स्पर्धा युवा गट १३ वर्षे पूर्ण ते २० वर्षांपर्यंत व २० वर्षांवरील खुला गट अशा २ गटांत घेतली जाणार आहे. युवागटासाठी अनुक्रमे प्रथम १,०००, द्वितीय ७००, तृतीय ५०० व उत्तेजनार्थ तीन रु. ३००. तसेच खुल्या गटासाठी १५००, १२००, ८०० व उत्तेजनार्थ तीन रु. ५०० अशी पारितोषिके दिली जातील.
स्पर्धेसाठी संगीत साथ (हार्मोनियम, तबला, पखवाजवादन) मंडळामार्फत उपलब्ध असून, आवश्यकता असल्यास स्पर्धक स्वतःची साथसंगत आणू शकतात. सादर करणार असलेल्या अभंगाच्या मुखड्याची ३० सेकंदांची व्हिडीओ क्लिप २५ ऑगस्ट २०२४ पर्यंत श्री. सुधीर कुर्ले, मो.क्र. ९४२१२६४०७१ यांच्या व्हॉट्स अँप वर पाठवायची आहे. क्लिप सोबत स्पर्धकाचे पूर्ण नाव, गाव, वय, गट, पत्ता व संपर्क क्रमांक कळविणे बंधनकारक आहे. प्रत्येक गटात, निवड झालेल्या १५ स्पर्धकांना २७ ऑगस्ट रोजी कळवले जाईल याची कृपया नोंद घ्यावी.
स्पर्धा दत्तमंदिर,भरड मालवण येथे दुपारी ठीक ३.०० वा. सुरू होईल. नावनोंदणीची अंतिम तारीख २५ ऑगस्ट २०२४ असून, अधिक माहितीसाठी सुधीर कुर्ले , मो. ९४२१२६४०७१ यांच्याशी संपर्क साधावा असे आवाहन करण्यात आले आहे.
