नगरसेवक पद गेल्यावर ज्यांच्या रोजगाराचा प्रश्न निर्माण झाला त्यांनी कुवतीच्या गोष्टी सांगू नये
भाजपा सोशल मीडिया प्रमुख मनोज हडकर यांचा मंदार केणी यांना टोला
मालवण : ज्यांच्यामुळे प्रत्येक गोष्टीत सगळ्या पक्षांना अपयश आल त्यांनी कुवतीच्या गोष्टी करु नयेत. विकासाचा टेंबा कसला मिरवता ? सत्तेत असताना सगळ्याच गोष्टीत अपयश आलेल्यांनी पालकमंत्र्यांच्या जनता दरबारावर कसले बोलता? बारसा म्हाळ गोंधळ यापलीकडे कसलेही व्हिजन नसलेल्यानी विकासाच्या गप्पा माराव्या आणि उटसुट भाजपा पदाधिकारी, राणे कुटुंबावर बोलणे म्हणजे विकास काय? भुयारी गटाच्या मलिद्याचे जनक असलेले मंदार केणी नैतिकतेच्या गप्पा माराव्यात या सारखा दुसरा जोक नाहीं. नगरसेवक म्हणुन घरी बसल्यावर रोजगाराचा प्रश्न उद्भवणार त्यावर मंदार केणी यांनी लक्ष द्यावे. धोंडी चिंदरकर हे एक कुशल राजकारणी आणि संघटन कौशल्य असलेले यशस्वी राजकारणी आहेत तेव्हा तुम्ही स्वतः ची कुवत एकदा तपासून पहावी आणि गुपचूप पालकमंत्र्यांना भेटुन पायावर डोके कधी कधी ठेवता हे आमदार वैभव नाईक यांना माहीत नसल तरी आम्हाला माहीत आहे. परत कधी भेटणार ते पण सांगून टाका असा पलटवार मनोज हडकर यांनी लगावला आहे.
