मालवण : बॅ नाथ पै सेवांगण कट्टा येथे शिष्यवृत्ती मार्गदर्शन वर्ग गेली २२ वर्ष सुरू आहे. यावर्षी पासून इयत्ता ८ वी साठी एनएमएमएस वर्गाचा शुभारंभ मान्यवरांच्या उपस्थितीत करण्यात आला.
या वर्गासाठी ४५ विद्यार्थ्याची निवड करण्यात आली आहे. यावेळी दीपक भोगटे यांनी उपक्रमाची माहिती देताना पालकांनी आपल्या मुलांना नियमितपणे क्लासला उपस्थित ठेवणे आवश्यक आहे. त्या दृष्टीने पालकांनी सहकार्य करावे असे आवाहन केले.
प्रसाद परुळेकर यांनी ही परीक्षा उत्तम गुणांनी उत्तीर्ण झाल्यास १२ वी पर्यंत दरमहा १ हजार रुपये शिष्यवृत्ती मिळणार आहे. याचा गंभीरपणे सर्वानी विचार करून भरपूर मेहनत घ्यावी असे सांगितले.
बाळकृष्ण नांदोसकर यांनी एनएमएमएस चा अभ्यास कसा करावा याचे मार्गदर्शन मुलांना केले. धानजी चव्हाण यांनीही मुलांना मौलीक सूचना केल्या. या वर्गाचे प्रमुख मार्गदर्शक मनोज काळसेकर यांनी वर्षभराचे नियोजन याची माहिती विद्यार्थ्यांना दिली. सौ. जांभवडेकर यांनीही मुलांना मार्गदर्शन केले. टी. एस पेडणेकर यांनी बुद्धिमता विषयाचे मार्गदर्शन केले.
यावेळी श्री. पेडणेकर, बापू तळवडेकर, दीपक भोगटे, किशोर शिरोडकर, प्रसाद परुळेकर, धानजी चव्हाण, अनुप शिरोडकर, बाळकृष्ण नांदोसकर, मनोज काळसेकर, सौ. जांभवडेकर, पालक व विद्यार्थी उपस्थित होते.
फोटो: बॅ. नाथ पै कट्टा येथे एनएमएमएस वर्ग शुभारंभ कार्यक्रमात मान्यवरांनी मार्गदर्शन केले.
