मालवण : सरपंच सेवा संघाच्या सिंधुदुर्ग जिल्हा महिला उपाध्यक्षपदी तालुक्यातील आंबडोस ग्रामपंचायत सरपंच सुबोधिनी राजेश परब यांची नियुक्ती करण्यात आली आहे. सरपंच सेवा संघांचे प्रदेशाध्यक्ष रोहित पवार व सरपंच संघटित चळवळीचे नेते बाबासाहेब पावसे यांनी हि नियुक्ती जाहीर केली आहे.
राज्यात सरपंच सेवा संघाची स्थापना करण्यात आली आहे. संघाच्या अहमदनगर येथे नुकत्याच झालेल्या राज्य कार्यकारिणीच्या बैठकीत राज्यातील सर्व जिल्ह्यातील जिल्हाध्यक्षाच्या निवडी जाहीर करण्यात आल्या. यात आंबडोस येथील सरपंच सुबोधिनी परब यांच्या ग्रामपंचायत स्तरावरील कार्याची दखल घेत खेड्यांचा विकास होण्याच्या दृष्टीने कामकाज करावे. जिल्ह्यातील गावांच्या विकासामध्ये जिल्ह्यातील सरपंच यांना मार्गदर्शन करावे यासाठी जिल्हा महिला उपाध्यक्ष म्हणून नियुक्ती करण्यात आली आहे. तालुक्यातील सरपंचांना संघटित करून तालुक्यात आदर्श निर्माण करावा असे नियुक्ती पत्रात म्हटले आहे.
