प्रशासकीय यंत्रणा, बचाव पथक, ग्रामस्थ यांच्याकडून शोध मोहीम सूरू
रामगड : रामगड बेळणे येथील राहूल कृष्णा जिकमडे (वय 19) हा युवक गुरुवारी दुपारी रामगड बेळणे येथील गडनदी किनारी नेहमी प्रमाणे गळाणे मासे पकडण्यासाठी गेला होता. तो घरी परतला नाही. तसेच शोधाशोध करुनही सापडून आला नाही. या बाबत त्याचे काका नरेंद्र जिकमडे यांनी आचरा पोलीस ठाण्यात माहिती दिली आहे.
दरम्यान सरपंच यांनी मालवण तहसीलदार वर्षा झालटे यांना माहिती दिली. त्यांनी एनडीआरएफ व मालवण येथील जय बालाजी सर्च अँड रेस्क्यू टीम मालवण सदस्य वैभव खोबरेकर, सुजित मोंडकर, समीर गोवेकर, प्रसाद मयेकर, छगन सावजी, भूषण जुवाटकर या मोहिमेत सहभागी झाले.
शुक्रवारी एनडीआरएफ टिमकडूनही नदी पात्रात शोध मोहीम राबवण्यात आली. त्यांच्या कडून शोध मोहीम राबवण्यात आली. मात्र शोध लागला नाही. तहसीलदार वर्षा झालटे याही सायंकाळी घटनास्थळी दाखल झाल्या होत्या.
ग्रामस्थांकडून मिळालेल्या माहितीनुसार राहूल कृष्णा जिकमडे याला गळाने मासे पकडण्याचा छंद होता. तो उशिरा पर्यंत मासे पकडण्यासाठी नदी किनारी थांबायचा. आठ दिवसापूर्वीच कणकवली येथील एका शिक्षणसंस्थेत त्याने प्रवेश घेतला होता.
घटनास्थळी आचरा पोलीस ठाणे पोलीस निरीक्षक प्रदीप पोवार आचरा मंडल अधिकारी अजय परब, पोलीस कर्मचारी बबन पडवळ, तांबे मनोज पुजारे, रामगड तलाठी यू एम वजराटकर यांसह स्थानिक ग्रामस्थ प्रशासकीय यंत्रणा उपस्थित होती.
