अतुल बंगे यांनी वेधले वनअधिकारी यांचे लक्ष
कुडाळ : हुमरमळा (वालावल) गावातील करमळीवाडी, गाळवणेवाडी, बिजोळेवाडी, बांदकोडवाडी येथील भातशेतीचे गव्या रेड्यांनी नुकसान केल्याने पंचनामे करुन नुकसान भरपाई मिळावी व कायमस्वरूपी बंदोबस्त करावा. असे मागणी निवेदन करमळीवाडी येथील शेतक-यांनी माजी पंचायत समिती सदस्य अतुल बंगे यांच्या नेतृत्वाखाली वनअधिकारी संदीप कुंभार यांना देण्यात आले आहे.
हुमरमळा (वालावल) गावातील डोंगरांमध्ये वास्तव्य करुन असणाऱ्या गव्या रेड्यांचा कळप भात शेती मध्ये उतरुन पुर्ण शेतीची वाट लावतात. हा त्रास गेली कित्येक वर्षे चालू आहे. यावर्षी मोठ्या प्रमाणात कळप उतरले असुन, शेतीची नासधूस करीत आहेत.
मुसळधार पावसामुळे शेतकरी हतबल झाला असताना, हे रानटी प्राण्यांनी शेतक-यांच्या तोंडचा घास काढून घेत आहेत.
दरम्यान वनअधिकारी संदीप कुंभार यांनी सांगितले, शुक्रवारी सकाळी १० वाजता गणपती मंदिर येथे वनविभागाच्या प्रमुख अधिकारी वर्ग यांच्या समवेत शेतक-यांची बैठक बोलावली असुन, नुकसानग्रस्त शेतकऱ्यांनी उपस्थित रहावे,असे आवाहन सरपंच अमृत देसाई, यांनी केले आहे.
यावेळी अतुल बंगे, शेतकरी विजय पेडणेकर, किशोर वालावलकर,मोहन वालावलकर, आत्माराम वालावलकर उपस्थित होते.
