अन्यथा जनआंदोलन छेडणार ; शिवसेना (उद्धव बाळासाहेब ठाकरे) मालवण तालुकाप्रमुख हरी खोबरेकर यांचा इशारा
जुबेर खान | मालवण : शिवसेना उद्धव बाळासाहेब ठाकरे पक्षाचे मालवण तालुकाप्रमुख हरी खोबरेकर यांच्या वतीने बांधकाम विभागाचे लक्ष वेधण्यात आले आहे. पहिल्याच पावसात पूर्णपणे उखडून गेलेल्या निकृष्ट काम झालेल्या कसाल- मालवण रस्त्यावरील आनंदव्हाळ ते गोवेकर स्टॉप येथील रस्ता दुरुस्तीसाठी मालवण सार्वजनिक बांधकाम विभागाकडे निवेदन सादर करण्यात आले.
नौदल दिनाच्या पंतप्रधान मोदी मोदी यांच्या दौऱ्यावेळी कसाल - मालवण रस्त्यावरील आनंदव्हाळ ते गोवेकर स्टॉप या रस्त्यावर डांबरीकरण करण्यात आले होते. मात्र पहिल्याच पावसाचा रस्ता नादुरुस्त होऊन खडी रस्त्यावर आली आहे. निकृष्ट दर्जाच्या या कामामुळे अपघाताच्या शक्यता वाढल्या असून अपघात झाल्यास जबाबदार कोण? असा प्रश्न या निवेदनामध्ये उपस्थित केला आहे.
संबंधित ठेकेदारावर कारवाई करून हा रस्ता गणेश चतुर्थी पूर्वी सुस्थितीत करून मिळावा. सध्यस्थितीत रस्त्यावरील खडी बाजूला करावी. अन्यथा 15 ऑगस्ट रोजी शिवसेना उद्धव बाळासाहेब ठाकरे यांच्या वतीने रस्त्यावरच जनआंदोलन करण्यात येईल, असा इशारा शिवसेना उद्धव बाळासाहेब ठाकरे पक्ष मालवण तालुकाप्रमुख हरी खोबरेकर यांच्या वतीने या निवेदनाद्वारे देण्यात आला आहे.
यावेळी तालुकाप्रमुख हरी खोबरेकर, जिल्हा प्रवक्ते मंदार केणी, माजी नगरसेवक यतीन खोत,उपतालुकाप्रमुख गणेश कुडाळकर,तालुकाप्रमुख दीपा शिंदे,युवती सेना तालुकाप्रमुख निनाक्षी शिंदे, सन्मेषपरब ,राहुल जाधव विभाग प्रमुख प्रवीण लुडबे, शाखा प्रमुख सदा करंगुटकर, उमेश चव्हाण, सुहास वालावलकर, कुंभारमाठ ग्राप सदस्य तथा युवती युवा अधिकारी सोनाली डिचोलकर, प्रसाद चव्हाण यांसह अन्य उपस्थित होते.
