मालवण | प्रतिनिधी : मालवण तालुका पत्रकार समितीच्या वतीने पत्रकारांच्या गुणवंत पाल्यांचा गौरव सोहळा अध्यक्ष संतोष गावडे व ज्येष्ठ पत्रकार नंदकिशोर महाजन यांच्या हस्ते संपन्न झाला. गुणवंत पाल्याना भेटवस्तू देवून सत्कार करण्यात आला.
मालवण तालुका पत्रकार समितीची सर्वसाधारण सभा शासकीय विश्रामगृह येथे अध्यक्ष गावडे यांच्या अध्यक्षतेखाली पार पडली. यावेळी दहावी परीक्षेत उत्तीर्ण झालेल्या आयुष अनिल तोंडवळकर, आणि बारावी परीक्षा उत्तीर्ण झालेल्या प्रथमेश नितीन आचरेकर यांचा सत्कार करण्यात आला.
यावेळी उपाध्यक्ष कृष्णा ढोलम, दत्तप्रसाद पेडणेकर, सचिव सौगंधराज बादेकर, खजिनदार सिद्धेश आचरेकर, विभागीय सचिव नंदकिशोर महाजन, जिल्हा कार्यकारिणी सदस्य महेश सरनाईक, सदस्य अमित खोत, कुणाल मांजरेकर, डी. टी. मेथर, पी. के. चौकेकर, अनिल तोंडवळकर, गणेश गावकर, अर्जुन बापर्डेकर, सुधीर पडेलकर, आपा मालंडकर, नितीन गावडे, केशव भोगले आदी पत्रकार उपस्थित होते. विविध विषयावर खेळीमेळीच्या वातावरणात सकारात्मक चर्चा करण्यात आली.
