टोपीवाला हायस्कूलच्या 'अनंत संगीत शाला' दालनात दर शनिवारी आयोजन
मालवण | प्रतिनिधी : अ.शि.दे. टोपीवाला हायस्कूल ज्ञानमंदिरातील "अनंत संगीत शाला" दालनात अखिल भारतीय गांधर्व महाविद्यालयाच्या कथक परीक्षा सर्टिफिकेट प्रशिक्षण वर्ग १० ऑगस्ट पासून सुरू करण्यात येत आहे. त्याबाबत बी.जी.सामंत यांच्या अध्यक्षतेखाली व मार्गदर्शक अनुजा गांधी यांच्या उपस्थितीत पालक सभा घेण्यात आली.
कार्यक्रमाचे प्रास्ताविक बी.जी.सामंत सर यांनी करताना जीवनातील कलेचे महत्त्व व नियमितता सांगत मार्गदर्शन केले. तर अनुजा गांधी मॅडम यांनी प्रशिक्षण वर्ग महत्व, रूपरेषा सांगितली. सदर वर्गाची नियमावली व सविस्तर माहिती तोरसकर मॅडम यांनी दिली.
१० ऑगस्ट पासून दर शनिवारी सकाळी 11:30 ते 12:30 या कालावधी "अनंत संगीत शाला" येथे नियमित वर्ग चालवण्याचे निश्चित करण्यात आले आहे.
पालकांना मार्गदर्शन सभेत कथ्थक शास्त्र म्हणजे नेमके काय? याचे प्रात्यक्षिक अनुजा गांधी आणि सोनाली गावडे यांनी सादर केले. पालकानी या विशेष मार्गदर्शनाबद्दल समाधान व्यक्त केले.
