कणकवली | प्रतिनिधी : कणकवली, देवगड, वैभववाडी मतदार संघाचे लोकप्रिय आमदार नितेश राणे हे श्रावण महिन्याच्या पहिल्या सोमवारच्या पवित्र दिवशी श्री देव कुणकेश्वराची पूजा करून आपल्या जनसंपर्क मोहिमेला सुरवात करणार आहेत.
आपल्या आमदारकीच्या दहा वर्षाच्या कालावधीतील विकास कामांचा लेखाजोखा या निमित्ताने जनतेसमोर मांडला जाणार असून जनतेच्या समस्या व अपेक्षा जाणून घेतल्या जाणार आहेत. या काळात तीन तालुक्यातील २६३ गावांना भेटी देणार आहेत. तसेच मतदारसंघातील भारतीय जनता पक्षाचे पदाधिकारी व कार्यकर्त्यांसमवेत मतदारसंघातील जनतेशी संवाद साधून आशिर्वाद घेतले जाणार आहेत.
