संजय माने | पोईप : मालवण तालुक्यातील राठिवडे येथील मूळ रहिवासी तथा सध्या मसदे गावडेवाडी येथे वास्तव्यास असलेले जयराम उर्फ बाळा आत्माराम पवार (६२) यांचे हृदयविकाराच्या तीव्र धक्क्याने रविवारी निधन झाले. बाळा पवार या टोपण नावाने ते विरण दशक्रोशीत परिचित होते. मागील काही वर्षे ते विविध हॉटेलात आचारी व कारागीर म्हणून काम करत होते. ते या परिसरात मनमिळावू स्वभावाने व सामाजिक कार्यकर्ते म्हणून प्रसिद्ध होते. ते अविवाहित होते. त्यांच्या पश्चात भाऊ, भावजई, बहीण, भाओजी, पुतणे, भाचे, असा परिवार आहे. येथील ऑटो मेकॅनिक विनायक गावडे यांचे ते मामा होत.
जयराम पवार यांचे निधन.
